Post-partido

No triangular disputado na tarde do mércores 8 de Decembro entre os tres equipos ourensáns con motivo da Copa Deputación 2021, o Club Balonmán Miño conseguiu o subcampionato.

No primeiro encontro, disputado en formato de partido a 30 minutos, impúxose ao Pabellón de Ourense por 17 a 15. O partido estivo moi igualado en prácticamente a totalidade do encontro, pero sempre co Miño con vantaxe no marcador e os dos Remedios recurtando distancias. Finalmente foron os azuis os que lograron levarse a vitoria que lles premitía chegar ao seguinte encontro con opcións de levarse o título.

Nel enfrontáronse ao Carnes do Ribeiro Ourense Termal de Ribadavia, conxunto que compite no Grupo 1 de Primeira Estatal, dúas categorías por riba do Miño, e no que tanto a súa calidade coma a súa profundidade de banquiño foi abrindo distancias no luminoso até o 15-10 final.

No terceiro encontro, entre os do Ribeiro e o Pabellón, os primeiros lograron a vitoria levándose o título.

Volver ás novas